22 Наурыз мерекесіне өткізілген «Қош келдің әз наурыз» атты мерекелік іс –шара өтті.
22 Наурыз мерекесіне өткізілген «Қош келдің әз наурыз» атты мерекелік іс –шара өтті.
Мақсаты: Қыздарды халқымыздың ізгі қасиеттері: имандылық, инабаттылық, ізеттілік, ісмерлік, т.б. негізінде тәрбиелеу. Әр қыз баланы парасатты, жан – жақты білімді болуға, әсемдік, сұлулық әлемін түсінуге тәрбиелеу.
22 наурызда күн мен түн теңеледi. Табиғат та, Жер-Ана да, жан-жануар да түлейдi, жаңарады, тал-теректер бүршiк жарады. Қазақтың сайын даласын Қызыр баба кезiп, адам баласына құт-береке, бақ-дәулет сыйлайды. Қар ерiп, қасиеттi қара жер, қара топырақ бусанады. Ұлы даланың төсiнде қызғалдақтар құлпыра өсiп, бел-белестерге қызылды-жасылды кiлем төселіп, Қаракемер ауылында үлкен іс – шара өткізілді. Наурыз мейрамын ауыл әкімі Ахметов Дархан Бекетұлы наурыз мейрамдарымен құттықтады.
Қаракемер ауылының ақсақалы бата беріп, апаларымыз тілек айтты.
Наурыздың дәстүрлі тағамы — «Наурыз көже». Ол жеті түрлі азықтық заттан тұрады. Жеті деген сан аптаның жеті күнін бейнелейді, бұл санның мағынасы терең. 7 санға байланысты әдет-ғұрыптар бар. Наурыз мерекесін тойлау кезінде, ақсақалға наурыз көжеге толы жеті кесе ұсынылады. Наурыз кезінде әр адам өз үйіне 7 қонақты шақырып, өзі де 7 үйге жолығады.
Міне дәстүрді ұстана отырып наурыз мерекесінде аталып өтілді. Әр сыныпта "Қош келдің , Әз Наурыз!", "Наурыз жыл басы" т.с.с. тақырыптарда тәрбие сағаттары өткізілді.
Тәрбие сағаттарында ұлттық ойындар насихатталып , наурыз көже ішуден жарыс өткізді. Наурыз мейрамымен оқушылардың да көптен күткен көктемгі демалысы келіп жетті. Осылайша ІІІ тоқсанды аяқтадық.